માનવીય લાગણીઓ (Emotions) એક એવી શક્તિ છે જે મોટાભાગના લોકોની જિંદગી બરબાદ કરી દે છે. પરંતુ, જો આ જ લાગણીઓને સાચી દિશા આપવામાં આવે, તો તે જિંદગીને એવી રીતે આબાદ કરી શકે છે જેની તમે કલ્પના પણ ન કરી હોય. ચાલો જોઈએ એવી કઈ ત્રણ લાગણીઓ છે જેને આપણે હંમેશા નકારાત્મક માનીએ છીએ, પણ તે આપણી સૌથી મોટી તાકાત બની શકે છે.

૧. ગુસ્સો (Anger): નબળાઈ નહીં, તાકાત બનાવો

પહેલી લાગણી છે ગુસ્સો. સામાન્ય રીતે લોકો ગુસ્સો આવે ત્યારે બૂમો પાડીને, વસ્તુઓ તોડીને કે પોતાની જાતને નુકસાન પહોંચાડીને તેને બહાર કાઢે છે. આવું કેમ થાય છે? આનું મુખ્ય કારણ ધાર્યું કામ ન થવું કે મનગમતી વસ્તુ ન મળવી હોય છે.

બદલાવ ક્યાં લાવવાનો છે?
જો આ જ ગુસ્સાને 'મનગમતી જિંદગી ન મળવા' પર કે 'નિષ્ફળતા' પર એક 'જિદ્દ' માં બદલી નાખવામાં આવે, તો તે તમારી જિંદગી બદલી શકે છે. આ જ ગુસ્સો તમને ક્યારેય હાર ન માનવાની પ્રેરણા આપી શકે છે.

૨. ડર (Fear): સફળતાનો સાચો રસ્તો

બીજી લાગણી છે ડર. બાળપણમાં આપણને ભૂતથી ડર લાગે છે અને મોટા થયા પછી યમદૂતથી. પણ જો આ જ ડર નિષ્ફળ થવાનો (Fail થવાનો) અથવા લાઇફમાં આગળ ન વધવાનો લાગે, તો તમારા કામ કરવાની ક્ષમતા બમણી થઈ શકે છે.

જેમ કે, જ્યારે વિદ્યાર્થીઓ ધોરણ ૧૦ કે ૧૨ ની બોર્ડની પરીક્ષા આપે છે, ત્યારે તેમને પરીક્ષાનો જે ડર લાગે છે તે જ ડર તેમને આખી રાત જાગીને વધુ મહેનત કરવા પ્રેરે છે. ડર એ ચેતવણી છે, જે તમને બેદરકાર થતા અટકાવે છે.

૩. લાલચ (Greed): થાક ભૂલાવનારી શક્તિ

ત્રીજી લાગણી છે લાલચ. યાદ કરો ચોકલેટની એ લાલચ જે મમ્મી કોઈ કામ કરાવવા માટે આપતી હતી! જ્યારે લાલચ હોય છે ને, ત્યારે આપણે આપણું પૂરું મગજ ચલાવીએ છીએ. જ્યારે લાલચ હોય છે, ત્યારે આપણે ક્યારેય થાકતા નથી.

અને જો આ જ લાલચ તમારી જિંદગીમાં 'ગ્રોથ' (Growth) કરવા માટે, કૌશલ્ય વધારવા માટે કે આગળ વધવા માટે આવી જાય, તો તમે મહેનત કરવામાં ક્યારેય થાકશો નહીં.